Fferm ddefaid a llaeth oedd Gelli Groes, oedd yn eiddo i deulu Herbert ac Enid am genedlaethau lawer. Dywedwyd wrthynt unwaith gan ffrind "efallai nad ydych yn filiwnyddion, ond mae gennych olygfa filiwnydd!" Wedi’i lleoli o fewn Parc Cenedlaethol Bannau Brycheiniog, mae gan y fferm olygfeydd panoramig pellgyrhaeddol dros Ddyffryn Tywi, gyda chopa uchaf cadwyn mynyddoedd y Preselau, Foel Cwm Cerwyn, yn dirnod ar y gorwel gorllewinol ac anialwch mynyddoedd yr Elenydd i’r gogledd. Ceir tri chastell o fewn radiws o bum milltir, dau ohonynt o fewn pellter cerdded i'ch cartref oddi cartref, ac wedi'u cysylltu gan y myrdd o lwybrau cyhoeddus sy'n croesi'r hyn sydd heb os, yn dirwedd wirioneddol syfrdanol. Hyn i gyd, a dim ond ugain munud o draffordd yr M4!